Kosa in shoz ?
In takon kaz pizon
Inn si lot dann bitasion.
Moin lé dir pou plishé
Mé moin lé dou.
Dessin et sirandane : GS Lolita MOUTOUVIRIN – école Bouvet
Oralisation : CP - Karine DESILES –école A. Bertin
Kosa in shoz ?
Moin néna dé
Ou néna dé
Minmsi ou done amoin la vot
I fé touzour dé.
Dessin et sirandane : CM1-CM2 Sabine TOISON – école Les Topazes
Oralisation : GS Sabine TOISON - école F. Mollard
Kosa in shoz ?
Lèrk ou tonm desi mon tèt
Mon kèr i sèr
Out kouran i done amoin la vi
San ou moin lé rien
Dessin et sirandane : GS Sarah MOULAN – école L. Lagourgue
Oralisation : CP Lydie CATHERINE – école Domenjod
Kosa in shoz ?
Lo pointu lé blé kan i fé bo,
Lé blan kan i fé fré.
Kan li lé kalme, li lé an luil,
Kan li bat, néna lékime
Dessin et sirandane : GS J-François HOARAU – maternelle Debussy
Oralisation : CE1 Corinne INFANTE – école M. Debré
Kosa in shoz ?
Li lé konm in monmon
Li port la tradision
Ali minm nout zarlor
Dessin et sirandane : classe Pris. Domenjod – Pierre GAUVIN
Oralisation : E1 Corinne INFANTE – école M. Debré
Kosa in shoz ?
Rouv out zié marmay
Lèv aou, lèv aou !
Done la min out kamarad
Done la min nout planèt
Demin nou nora rienk nout zié pou pléré !
Dessin et sirandane : ULIS Sarah MOULAN – école L. Lagourgue
Oralisation : CP - Karine DESILES –école A. Bertin
Kosa in shoz ?
Kolié pandiyé desi léshèl i roul lo rin.
Sheniy an fèr i kas lo rin.
Dessin et sirandane : CM2 Lydie CERNEAUX Lydie – école Les Topazes
Oralisation : SEGPA - Pierre GAUVIN Coll. Deux Canons
Kosa in shoz ?
Moin lé si bord mèr
Moin lé dann la foré
Ou bien dési la koline
Moin na zéguy
Mé mi pik pa
Dessin et sirandane : CP - Karine DESILES –école A. Bertin
Oralisation : CP Lydie CATHERINE – école Domenjod
Kosa in shoz ?
Delo pandiyé.
Dessin et sirandane : MS/GS Annissa BOYER – école V. Hugo
Oralisation : PS/MS/GS Larissa LORION - école H. Lebert
Kosa in shoz ?
Ou kalkil li dékri son péi
Alé voir li rakont la vi son momon
Koman le tan la pasé
La fé son léfé vitman.
Dessin et sirandane : CM2 Gaël MARIMOUTOU – école Im. Conception
Oralisation : CM1 Laetitia NOSBE – école J.B Bossard
Kosa in shoz ?
Fourmi i marsh si le do koulèv
La pèr grin filao i tonm.
Dessin et sirandane : CM1 Eric GUILLOT- école Bois de Nèfles
Oralisation : PS/MS/GS Larissa LORION - école Les Badamiers
Kosa in shoz ?
Dann shak péi, dann shak nasion, dann shak kiltir
Mon koulèr lé diféran
Mé minm si mi voyaz mi rès paréy.
La di kaf néna 7 konm moin.
Isi mon koulèr i rakont la doulèr mon bann zansèt
Mé moin lé fièr mon koulèr
Akoz le soir zétoil i dor dési li.
Dessin et sirandane : CM1 BERNARD Olivier – école Bouvet
Oralisation : ULIS Sarah MOULAN - collège Reydellet
Kosa in shoz ?
Moin lé blan
Mi manz poison.
Moin néna in ké konm an koton.
Moin sé in zoizo Larényon.
Dessin et sirandane : GS Yasmine COLLET Yasmine – maternelle M. Debré
Oralisation : CP Lydie CATHERINE - école Domenjod